Amerikalyq biznesmen, álemdegi eń bai adam Ilon Mask Twitter-di 44 milliard dollarǵa satyp alý kelisiminen bas tartty, sebebi servis ákimshiligi oǵan jalǵan akkaýnttardyń naqty sany týraly derekterdi bermedi, - dep habarlaidy Tengrinews.kz tilshisi Reuters agenttigine silteme jasap.
Masktyń advokattary Twitter-degiler spam jáne jalǵan akkaýnttardyń sany týraly kóp suraqqa jaýap bermegenin aitty, al bul aqparat platformanyń biznes áleýetin baǵalaýda mańyzdy.
Advokattardyń aitýynsha, kompaniia satyp alý týraly kelisimniń kóp erejesin buzǵan. Mask ókilderiniń Twitter-di jalǵan jáne anyq emes aqparat berdi dep aiyptady, sonyń negizinde mámile jasaý týraly sheshim shyǵardy. Sondai-aq, biznesmen ókilderi bul servis platformada tirkelgen jalǵan akkaýnttardyń sanyn edáýir tómendetetinin aitty.
Mámileniń kúshi joiylǵan tusta Twitter aktsiialary aldyn ala saýdada jeti paiyzǵa tómendedi.
Twitter-diń direktorlar keńesi tóraǵasy Bret Teilor kompaniia Maskty sotqa beretinin málimdedi. Ol áleýmettik jeli sot arqyly satyp alýǵa qol jetkizgizýdi kózdegenin, sot protsesinde jeliniń jeńiske jetetinin senimmen aitty.
Buǵan deiin kelisim sharttary boiynsha, Mask satyp alýdan bas tartsa, onda bir milliard dollar tóleýi kerek dep habarlanǵan.
Tesla men SpaceX negizin qalaýshy kompaniia jalǵan akkaýnttardyń, sonyń ishinde bottar men spam jiberý úshin paidalanǵandardyń sany jalpy sannyń bes paiyzynan aspaitynyn dáleldei almasa, kelisimnen bas tartamyn dep qorqytqan.
