Ótken táýlikte Amerika kásipkeri Ilon Mask Tesla aktsiialarynyń tómendeýi saldarynan 14 mlrd-qa jýyq dollarynan aiyryldy. Bul týraly "Ult aqparat" Bloomberg Billionaires Index (BBI) saýda jáne indeks málimetterine silteme jasap habarlaidy.
Osylaisha, Masktiń bailyǵy 13,6 mlrd dollarǵa azaiyp, 176 mlrd dollardy qurady. Kásipker qazir álemniń eń dáýletti adamdarynyń tiziminde Amazon-nyń negizin qalaýshy Djeff Bezostan keiin ekinshi orynda tur.
Mask álemniń eń bai adamdary tizimindegi birinshi orynnan eki kún buryn, 23 aqpanda aiyryldy. Bul kúni Tesla aktsiialarynyń quny 8,6 paiyz tómendep, biznesmenniń dáýleti 15,2 mlrd dollarǵa azaidy.
Bloomberg agenttigi buǵan Masktiń bitkoin baǵasy jaiynda bergen túsiniktemesi sebep bolýy múmkin ekenin atap ótken.
20 aqpan kúni Twitter paidalanýshylarynyń birimen habar almasý barysynda ol bitkoin kriptovaliýtasy men efiriým baǵalaryn joǵary dep ataǵan edi. Ilon Masktiń osy aitqany kriptovaliýtanyń qulaýyna áser etken bolýy múmkin», - degen boljam jasaidy Bloomberg.
