- Polsha aýyr atletika qaýymdastyǵynyń saitynyń jazýynsha, osy eldiń sportshysy Shimon Koletski resmi túrde Beijińde 2008 jyly ótken Olimpiadanyń 94 kelige deiingi salmaqtaǵy chempiony atandy, dep habarlady Sports.kz.
Bul aqparatty óziniń resmi saitynda Halyqaralyq aýyr atletika federatsiiasy jariia etti.
Beijińde 2008 jyly alynǵan doping-synamany qaita zertteý nátijesinde tyiym salynǵan zat altyn alǵan Ilia Ilinniń, úshinshi oryn alǵan reseilik Hadjymurat Aqaevtyń qanynan tabyldy. Ol kezde Shimon Koletski ekinshi, Grýziianyń atynan shyqqan Arsen Kasabiev - tórtinshi orynǵa ie bolǵan edi. Endi olar, tiisinshe, altyn, qola nagradalardy alady.
