- Halyqaralyq olimpiadalyq komitettiń sheshimimen eki altyn júldesinen aiyrylǵan Ilia Ilinniń press-attashesi Roman Ilchenkonyń aitýynsha, sportshy qazaqstandyq BAQ-qa jaǵdaidy túsindirýdi josparlap otyr, dep habarlaidy Ult.kz tilshisi QazAqparat agenttigine silteme jasap.
«Ókinishke qarai, men onymen áli sóilespedim. Ózim de eshteńe bilmeimin ázirge, qazir ǵana jańalyqtardan estidik, Ulttyq Olimpiada komitetiniń baspasóz qyzmetinen habarlap aitty. Onyń suhbat berý-bermeýi áli belgisiz. Biraq josparda bar», - dedi ol.
Eske sala ketsek, búgin Qazaqstan Respýblikasy Ulttyq Olimpiada komiteti Halyqaralyq Olimpiadalyq komiteti tarapynan aǵzasynan tyiym salynǵan preparattardyń izi tabylǵan 2008 jáne 2012 jyldardaǵy Olimpiada oiyndaryna qatysqan qazaqstandyq sportshy Ilia Ilinge qatysty jaza qoldanylǵandyǵy týraly resmi habarlama aldy.
Halyqaralyq Olimpiada komitetiniń tártiptik komissiiasy 2008 jyly Beijińde jáne 2012 jyly Londonda ótken Olimpiada oiyndarynyń jeńimpazy, 94 kg salmaq dárejesinde óner kórsetken qazaqstandyq aýyr atlet Ilia Ilinniń «A» jáne «V» doping synamalarynyń qosymsha tekserý qorytyndysy boiynsha qazaqstandyq sportshyny sol Oiyndardan shettetip, kórsetken nátijeleriniń kúshin joiyp, júldelerin qaitaryp alý týraly sheshim shyǵardy. Sportshyǵa qoldanylatyn jazanyń merzimin Halyqaralyq aýyr atletika federatsiiasy (IWF) anyqtaidy.
