Ile-Balqash rezervatyna Qyzyl kitapqa engen buǵylar keledi, dep habarlaidy "Ult aqparat".
Ekologiia, geologiia jáne tabiǵi resýrstar ministrliginiń málimetinshe, Ile-Balqash rezervatyna buqar buǵysy úshinshi ret jiberilgeli otyr. Bul jolǵy buǵy sany bárinen kóp.
Esterińizge sala keteiik, alǵashqy engizilim 2019 jyly, rezervat aýmaǵyna alǵashqy 5 Buqar buǵysy qonystanǵan kezde júzege asqan bolatyn.
2020 jyly oǵan taǵy 14 eresek buǵy men 1 buǵynyń laǵy qosyldy.
«Ekologiia ministrligi jabaiy tabiǵat qorymen (WWF) birge 61 buǵy ákel ýdi josparlap otyr jáne bul - bir jyldaǵy rekordtyq kórsetkish. Shyǵarý aimaǵynda tabiǵatqa shyqqan buǵylardy baqylaý úshin fototuzaq qoiyldy. Buǵylardyń popýliatsiiasyn baqylaýdy kúsheitý úshin jalpy alǵanda 9 spýtniktik jaǵabaý paidalanylady», - dep habarlady Almaty oblystyq orman sharýashylyǵy jáne janýarlar dúniesi aýmaqtyq inspektsiiasynyń bólim basshysy Leonid Sidorenko.
Mamandardyń aitýynsha, bul tehnologiialar búkil álemde qoldanylady, olardyń kómegimen buǵynyń qozǵalysyn baqylaýǵa bolady.
Qurylǵylar aýyrtpalyqsyz ornatylady jáne janýarlarǵa eshqandai ziian keltirmeidi.
Buqar buǵysy Almaty oblysy Balqash aýdanynyń aýmaǵynda keń taralǵan. Alaida, ótken ǵasyrdyń basynda bul túr joǵala bastady.
Birneshe onjyldyq ótken soń, ol Qazaqstannyń tabiǵatynan múldem joǵalyp ketken bolatyn. Búgingi tańda Buhara buǵysynyń búkil álemdegi sany - 3500.
«Ile-Balqash rezervatynda buhar buǵylarynyń popýliatsiiasyn qalpyna keltirý óte tabysty júrip jatyr. Biz buǵylardyń beiimdelgenin jáne buǵylardyń sátti tóldeýin kórip otyrmyz. Aldyn ala baǵalaý boiynsha, qazir tabiǵatta 100-ge jýyq buǵy bar», - deidi WWF Ortalyq Aziia baǵdarlamasynyń direktory Grigorii Mazmaniants.
Toǵai nemese Buqar buǵysy Qazaqstannyń Qyzyl kitabyna engizilgen jáne Buqar buǵylaryn saqtaý jáne qalpyna keltirý máseleleri boiynsha ózara túsinistik týraly memorandýmmen halyqaralyq deńgeide qorǵalady.
Dúniejúzilik jabaiy tabiǵat qorynyń arqasynda buǵy 100 jyl ishinde alǵash ret Ońtústik Balqash aimaǵynda paida boldy.
Buqar buǵylarynyń Balqash aýdanynyń jabaiy tabiǵatyna oralýy - jolbarys reintrodýktsiiasy baǵdarlamasynyń mańyzdy kezeńi.
Ony Reseidiń WWF jáne QR ekologiia, geologiia jáne tabiǵi resýrstar ministrligi birlesip júzege asyryp keledi.
Ile-Balqash rezervatynda jolbarystyń mekendeitin jerinde jaramdy ekojúieni qalpyna keltirý josparlanyp otyrǵany belgili.
Reintrodýktsiialaý baǵdarlamasyna saqtalǵan jabaiy tabiǵatty qorǵaý jáne jolaqty jyrtqysh, sondai-aq qulan, aqbóken jáne qaraquiryq ratsionynyń negizi bolyp tabylatyn tuiaqty janýarlar (toǵai buǵysy, elik, jabaiy qaban) popýliatsiiasyn qalpyna keltirý jónindegi is-sharalar josparlanǵan.
