Ile Alataý ulttyq parkiniń jalpy kólemi 187,7 gektar bolatyn 35 aýmaǵy jekemenshikke paidalanýǵa beriledi, dep jazady Azattyq.
Ulttyq parktiń resmi saitynda jariialanǵan qujatqa sáikes, týristik jáne rekreatsiia nysandaryn damytý maqsatynda atalǵan aýmaqtardy paidalaný úshin tender jariialanyp, konkýrs ótedi. 9 aýmaqty – 25 jylǵa deiin, 26 aýmaqty 5 jylǵa deiin jekemenshik kompaniialarǵa paidalanýǵa berý josparlanyp otyr.
Ondaǵy aqparatqa sáikes, park aýmaǵynda tómendegidei nysandar salýǵa basymdyq beriledi:
- Úlken Almaty ormany aýmaǵynan taý-shańǵy kýrortyn salýǵa – 140 gektar jer bólinedi;
- eko-qonaq úige salýǵa 1.5 gektar jer qarastyrylǵan;
- týristik saýyqtyrý keshenderi;
- qoǵamdyq tamaqtaný oryndary;
- balalar lageri.
Ile Alataý ulttyq parkiniń aýmaǵy alǵash ret tenderge qoiylyp jatqan joq. Byltyr kóktem men jazda Ile Alataýy ulttyq parkine tiesili jerdiń bir bóliginiń (bul aýmaqqa Úlken Almaty kóli, Alma-Arasan shatqaly, Asy ústirtiniń ýchaskeleri men basqa da jerler kiredi) jekemenshik kompaniiaǵa 49 jylǵa jalǵa bergeni belgili bolǵan. Ulttyq menshik sanalatyn aýmaqty jalǵa berý ekobelsendiler arasynda úlken rezonans týǵyzǵan. Ile Alataýy ulttyq parkiniń ýchaskelerin jalǵa alǵan "Qultaý jáne K" kompaniiasynyń artynda kim turǵanyn da Azattyq jazǵan.
