Jyl basynan beri Resei Federatsiiasynyń aýmaǵynda Qazaqstan ishki ister organdary izdestirip júrgen 27 qylmysker anyqtaldy. Olardyń 14-i ustalyp, 13 adamnyń júrgen jeri belgili boldy. Óz kezeginde qazaqstandyq politseiler reseilik áriptesteri úshin izdeýde júrgen 212 adamdy anyqtady. Olardyń ishinde 31 qylmysker ustalyp, 180 adamnyń júrgen jeri anyqtaldy, dep habarlaidy ult.kz.
Birlesken jumystyń nátijeleriniń biri retinde Aqtaý qalasynyń áýejaiynda memleketaralyq izdeýde júrgen er adamnyń ustalǵanyn atap ótýge bolady. Ol Baký qalasyna ushyp ketpek bolǵan kezde qolǵa túsip, ýaqytsha ustaý izoliatoryna qamaldy.
Tergeý málimetinshe, 2012 jyly Resei Federatsiiasynyń Kalýga qalasynda kúdikti janjal barysynda úi iesiniń basyna shabatyn zatpen úsh ret soqqy jasaǵan. Alǵan jaraqattarynyń saldarynan áiel oqiǵa ornynda kóz jumǵan.
Sonymen qatar Resei Federatsiiasynyń Vladikavkaz qalasynda jedel-izdestirý sharalary barysynda politsiia qyzmetkerleri halyqaralyq izdeýde júrgen Qazaqstan azamatyn ustady. Ol asa iri kólemde alaiaqtyq jasady degen kúdikke ilingen.
Tergeý málimetinshe, 2022 jylǵy 14 qańtarda Shymkent qalasyndaǵy avtosalondardyń birinde er adam jergilikti turǵynnan Toyota Camry avtokóligin 20 million teńgege satyp beremin degen syltaýmen alǵan. Keiin qujattardy qoldan jasap, kólikti belgisiz tulǵaǵa satyp jiberip, jábirlenýshige materialdyq shyǵyn keltirgen.
Qazaqstan Ishki ister ministrligi eki eldiń quqyq qorǵaý organdary arasyndaǵy ózara is-qimyl jaýapkershilikten jaltaryp júrgen adamdardy tez anyqtap, ustaýǵa múmkindik beretinin, sondai-aq qylmyspen kúrestegi halyqaralyq yntymaqtastyqty nyǵaitýǵa yqpal etetinin atap ótti.
