جىل باسىنان بەرٸ رەسەي فەدەراتسيياسىنىڭ اۋماعىندا قازاقستان ٸشكٸ ٸستەر ورگاندارى ٸزدەستٸرٸپ جٷرگەن 27 قىلمىسكەر انىقتالدى. ولاردىڭ 14-ٸ ۇستالىپ, 13 ادامنىڭ جٷرگەن جەرٸ بەلگٸلٸ بولدى. ٶز كەزەگٸندە قازاقستاندىق پوليتسەيلەر رەسەيلٸك ەرٸپتەستەرٸ ٷشٸن ٸزدەۋدە جٷرگەن 212 ادامدى انىقتادى. ولاردىڭ ٸشٸندە 31 قىلمىسكەر ۇستالىپ, 180 ادامنىڭ جٷرگەن جەرٸ انىقتالدى, دەپ حابارلايدى ult.kz.
بٸرلەسكەن جۇمىستىڭ نەتيجەلەرٸنٸڭ بٸرٸ رەتٸندە اقتاۋ قالاسىنىڭ ەۋەجايىندا مەملەكەتارالىق ٸزدەۋدە جٷرگەن ەر ادامنىڭ ۇستالعانىن اتاپ ٶتۋگە بولادى. ول باكۋ قالاسىنا ۇشىپ كەتپەك بولعان كەزدە قولعا تٷسٸپ, ۋاقىتشا ۇستاۋ يزولياتورىنا قامالدى.
تەرگەۋ مەلٸمەتٸنشە, 2012 جىلى رەسەي فەدەراتسيياسىنىڭ كالۋگا قالاسىندا كٷدٸكتٸ جانجال بارىسىندا ٷي يەسٸنٸڭ باسىنا شاباتىن زاتپەن ٷش رەت سوققى جاساعان. العان جاراقاتتارىنىڭ سالدارىنان ەيەل وقيعا ورنىندا كٶز جۇمعان.
سونىمەن قاتار رەسەي فەدەراتسيياسىنىڭ ۆلاديكاۆكاز قالاسىندا جەدەل-ٸزدەستٸرۋ شارالارى بارىسىندا پوليتسييا قىزمەتكەرلەرٸ حالىقارالىق ٸزدەۋدە جٷرگەن قازاقستان ازاماتىن ۇستادى. ول اسا ٸرٸ كٶلەمدە الاياقتىق جاسادى دەگەن كٷدٸككە ٸلٸنگەن.
تەرگەۋ مەلٸمەتٸنشە, 2022 جىلعى 14 قاڭتاردا شىمكەنت قالاسىنداعى اۆتوسالونداردىڭ بٸرٸندە ەر ادام جەرگٸلٸكتٸ تۇرعىننان Toyota Camry اۆتوكٶلٸگٸن 20 ميلليون تەڭگەگە ساتىپ بەرەمٸن دەگەن سىلتاۋمەن العان. كەيٸن قۇجاتتاردى قولدان جاساپ, كٶلٸكتٸ بەلگٸسٸز تۇلعاعا ساتىپ جٸبەرٸپ, جەبٸرلەنۋشٸگە ماتەريالدىق شىعىن كەلتٸرگەن.
قازاقستان ٸشكٸ ٸستەر مينيسترلٸگٸ ەكٸ ەلدٸڭ قۇقىق قورعاۋ ورگاندارى اراسىنداعى ٶزارا ٸس-قيمىل جاۋاپكەرشٸلٸكتەن جالتارىپ جٷرگەن ادامداردى تەز انىقتاپ, ۇستاۋعا مٷمكٸندٸك بەرەتٸنٸن, سونداي-اق قىلمىسپەن كٷرەستەگٸ حالىقارالىق ىنتىماقتاستىقتى نىعايتۋعا ىقپال ەتەتٸنٸن اتاپ ٶتتٸ.
