Qazaqstannyń bes óńirinde arnaiy operatsiia kezinde uiymdasqan qylmystyq toptyń 28 múshesi ustaldy, - dep habarlaidy "Ult aqparat" Polisia.kz basylymyna silteme jasap.
Arnaiy operatsiiany Ishki ister ministrligi men Ulttyq qaýipsizdik komiteti Almaty qalasy, Almaty, Aqtóbe, Jambyl jáne Batys Qazaqstan oblystarynyń aýmaǵynda IIM-niń arnaiy maqsattaǵy bólimshelerin tarta otyryp júrgizgen.
Polisia.kz málimetinshe, arnaiy operatsiianyń barysyn Qazaqstan Respýblikasynyń Bas prokýratýrasy uiymdastyrǵan. Tártip saqshylary UQT-nyń 28 múshesin ustap, olardyń 16-syn qamaýǵa alǵan. 53 nysandy tintý kezinde atys qarýynyń arsenaly men oq-dáriler tárkilendi, sondai-aq baqylaýǵa arnalǵan arnaiy tehnika tabyldy.
"Sotaldy tergeý barysynda UQT kóshbasshylary B. jáne J. turaqty uiymdasqan qylmystyq top quryp, ony basqarǵany anyqtaldy", - dedi politsiia ókili
Quqyq qorǵaý organdary málimetinshe, olar eldiń ońtústiginde 15 aýyr jáne asa aýyr qylmys jasaǵan. Oǵan úsh qaraqshylyq shabýyl, kásipkerlerge qatysty qarý qoldanýmen bes bopsalaý, sondai-aq buzaqylyq jáne qarýdy zańsyz saqtaý kiredi.
"Qazirgi ýaqytta aiyptalýshylarǵa qatysty qylmystyq is sotqa jiberildi", - dep qorytyndylady quqyq qorǵaý organdarynyń ókili.
