Áleýmettik jeliler men messendjerlerde QR IIM qazaqstandyqtarǵa shetelge jylyna bir ret qana shyǵýǵa múmkindik beretin zań jobasy ázirlenip jatqandyǵy týraly habarlama tarap jatyr. Bul – feik, dep habarlaidy "Ult aqparat" stopfake.kz saityna silteme jasap.
Bul «jańalyqtyń» túpnusqasy Instagram-daǵy Qaznews24 satiralyq pabliginen alynǵan. Bul akkaýnttyń profilinde barlyq jariialanymdardyń shynaiy emes, tek kóńil kóterý maqsatynda oilap tabylatyndyǵy jáne shyndyqqa esh qatysy joq dep jazylǵan.
– Instagram qoldanýshysy kóshi-qon salasyndaǵy halyqaralyq kelisimderge qatysty jalǵan aqparat jariialady. QR IIM Kóshi-qon qyzmeti komiteti aqparattyń shyndyqqa janaspaitynyn habarlaidy. IIM óz kezeginde kelisimderge qol qoiý kezinde eń aldymen azamattarymyzdyń konstitýtsiialyq quqyqtaryn qorǵaýdy basshylyqqa alady. Qazaqstan Respýblikasy Konstitýtsiiasynyń 21-babynyń 2-tarmaǵyna sáikes, «Árkimniń Respýblikadan tys jerlerge ketýine quqyǵy bar. Respýblika azamattarynyń Respýblikaǵa kedergisiz qaityp oralýyna quqyǵy bar», – delingen vedomstvo jaýabynda.
1QR QK 247-babyna sáikes, jalǵan aqparat taratý zań boiynsha qýdalanady. Barshańyzdy tek resmi aqparatqa ǵana senýge shaqyramyz! Jańalyqtyń shynaiylyǵyn bizdiń portaldyń kómegimen tekserýge bolady. Ózińizdi qyzyqtyrǵan aqparatty t.me/stopfake_kz Telegram-arnasyna nemese +7 707 739 5599 WhatsApp nómirine jiberińiz», - delingen habarlamada.
