IIM internet-alaiaqtyqtyń aldyn alý úshin eskertý SMS-terin jiberýdi bastady, - dep habarlaidy Polisia.kz.
SMS arqyly alaiaqtyq týraly halyqty biryńǵai habardar etý týraly 4 tamyzda Ishki ister ministriniń Tsifrlyq damý ministrliginiń ókilderimen jáne bailanys operatorlarymen kezdesýinde aitylǵan bolatyn.
Mobildi bailanys Qazaqstannyń árbir turǵynyna turǵylyqty jáne ornalasqan jerine qaramastan qoljetimdi bolǵandyqtan, SMS arqyly alaiaqtyq faktileri týraly aqparat berý azamattardy jedel habardar etýge múmkindik beredi.
Qazirgi ýaqytta Kcell qoldanýshylaryna kelesidei mátinmen SMS-ter jiberildi:
Anydesk jáne Teamviewer qosymshalaryn bógde adamdardyń nusqaýy boiynsha ornatpańyz! Sizge múlikti kepilge qoiý áreketi týraly habarlandy ma? Bankpen shuǵyl túrde habarlasyńyz!
Sizge nesie alýǵa tyrysqany týraly habarlandy ma? Bankpen shuǵyl túrde habarlasyńyz! Sizden onlain nesie berýdi surady ma? Telefondy qoiyńyz! Bul - alaiaqtar!
Sizden óz derekterińizdi, karta nómirin, sms-kodtardy ataýdy surady ma? Bul alaiaqtar! Taratý júiesiniń shekteýlerine bailanysty SMS mátinderindegi tańbalar sany shekteýli. Sondyqtan habarlama mátini qysqartylǵan.
