Biylǵy jyldyń alǵashqy jartysynda 9379 adam Qazaqstan azamattyǵyn alǵan. Olardyń 7540-i - etnikalyq qazaq. Buǵan qosa Qytaidan kelgen 724 qazaq Qazaqstanda turaqty turýǵa (yqtiiarhat – red.) ruqsat alǵan. Bul týraly ishki ister ministrligi habarlady, dep jazady Azattyq.
"2018 jyly barlyǵy 28800 adam Qazaqstan azamattyǵyn qabyldaǵan. Olardyń 1194-i prezident jarlyǵymen, 27606 adam jeńildetilgen tártippen azamattyq alǵan. Osylardyń 24874-i – etnikalyq qazaqtar"delingen habarlamada.
Qazaqstanda turyp jatqan, biraq azamattyǵy joq adamdarǵa Qazaqstan prezidentiniń jarlyǵymen Qazaqstan azamattyǵy beriledi. Al shetelden kóship kelgen etnikalyq qazaqtar Qazaqstan azamattyǵyn jeńildetilgen tártippen ala alady.
IIM habarlaýynsha, biylǵy jyly "Kóshi-qon týraly"zańnyń 49 babyna sáikes, Qazaqstanda turaqty turýǵa yqtiiarhat alǵan, biraq shetelde 183 kúnnen artyq turǵan 694 etnikalyq qazaqtyń turaqty turý ruqsaty joiylǵan. Ministrlik Qazaqstan azamattyǵyn alǵandardyń naqty qai elden ekenin ashyp kórsetpegen.
Buǵan deiin jergilikti aqparat quraldary Eńbek jáne halyqty áleýmettik qorǵaý ministrliginiń deregine silteme jasap, 2019 jyldyń alǵashqy jartysynda 7000-ǵa jýyq etnikalyq qazaqtyń Qazaqstanǵa qonys aýdarǵanyn habarlaǵan bolatyn. Sonyń ishinde Ózbekstannan - 3800, Qytaidan 1553 adam kóship kelgen. Munan basqa Túrikmenstannan 532, Mońǵoliiadan - 402, Reseiden - 145, Irannan - 62, Qyrǵyz Respýblikasynan - 46, Tájikstannan - 11, Túrkiiadan - 3 etnikalyq qazaq tarihi otanyna oralǵan.
