QR Ishki ister ministrligi Memleket basshysynyń tapsyrmasy boiynsha PTsR anyqtamalaryn jáne vaktsinatsiia pasporttaryn qoldan jasaý jáne paidalaný faktilerin anyqtaý jáne jolyn kesý boiynsha barlyq sharalar qabyldaýda, - dep habarlaidy Polisia.kz.
Jyl basynan beri ishki ister organdary jalǵan PTsR-testterin satý jáne paidalaný boiynsha 45 qylmystyq is jáne vaktsinatsiia pasporttaryn satý jáne paidalaný boiynsha 35 qylmystyq is qozǵady.
Elimizdiń áýejailary men temir jol vokzaldarynda azamattardyń kovid-mártebesin «Ashyq» qosymshasy arqyly tekserý, sonymen qatar PTsR-testterdiń jáne vaktsinatsiia pasporttarynyń shynaiylyǵyna tekserý kúsheitildi.
Kóliktegi politsiia departamentiniń bastyǵy Ońal Bekeevtiń aitýynsha, Almaty qalasyndaǵy halyqaralyq áýejaida kólik politseileri áýejai qyzmetkerlerimen birlesip, Túrkiia memleketine demalýǵa ushyp barýdy josparlap, PTsR-anyqtamalardy jáne biletterdi beitanys adamnan satyp alǵan jigit pen qyzdy anyqtady.
Sondai-aq ol jalǵan PTsR-test anyqtamasyn paidalana otyryp, Belarýs Respýblikasyna ushpaq bolǵan Shymkent qalasynyń turǵynynyń ustalǵandyǵy týraly faktini de aitty.
– Olar ushaqqa jiberilgen joq. Osy atalǵan faktiler boiynsha Qazaqstan Respýlikasy Qylmystyq kodeksi 385-babynyń 3-bóligimen (Kórneý jalǵan qujatty paidalaný) boiynsha sotqa deiingi tergep-tekserý bastaldy, – dedi O. Bekeev.
