Qazirgi ýaqytta Arys qalasyndaǵy áskeri bólim aýmaǵynda jarylystar toqtady. Alaida jarylys qaýpi áli de saqtalyp otyr. Bul týraly ishki ister ministriniń orynbasary Iýrii Ilin málimdedi, – dep habarlaidy Sputnik Qazaqstan.
«25 maýsym kúni saǵat 12:00-degi jaǵdai boiynsha áskeri bólim aýmaǵynda jarylys tirkelip jatqan joq. Ishki ister ministrliginiń kúshteri men tehnikalary – 1200-den asa adam men 180-den astam tehnika oqiǵa ornynda qaldy. Keshe jáne búgin túnde turǵyn úi sektoryndaǵy órtti sóndirý jumystary júrgizildi» - dedi Ilin brifingte.
Aitýynsha, kesheden beri 45 órt aýyzdyqtalǵan: onyń 21-i – turǵyn úilerde, 9-y – sharýashylyq nysandary men 15-i – dala órti.
«Jarylys qaýpi áli de saqtalyp otyr. Biraq onyń aýqymy birinshi kúndegidei bolmaidy dep oilaimyn» - dedi ol.
Túrkistan oblysynyń politsiia departamenti men Ulttyq ulan bólimsheleriniń kúshteri qala ishin patrýldeýge kiristi.
