Búgin IIM aqparattyq júiesinde týyndaǵan tehnikalyq aqaýlyqtardy joiý boiynsha jumystar júrgiziledi, dep habarlaidy "Ult aqparat" ministrliktiń baspasóz qyzmetine silteme jasap.
«Biylǵy jyldyń 5 qańtarynda IIM aqparattyq júiesiniń jańartylýyna bailanysty «kólik quralyn tirkeý» jáne «júrgizýshi kýálikterin berý» qyzmetterin kórsetý ýaqyty uzardy. Bul «Azamattarǵa arnalǵan úkimet» UAQ bólimshelerindegi kezektiń sany artýyna sebepshi boldy.
Osyǵan bailanysty 6 qańtarda Ishki ister ministrliginiń «Aqparattyq-óndiristik ortalyq» RMK «Azamattarǵa arnalǵan úkimet» KeAQ jáne «Ulttyq aqparattyq tehnologiialar» AQ-men birlesip týyndaǵan tehnikalyq aqaýlyqtardy joiý boiynsha jumystar júrgiziletin bolady, budan soń qyzmet kórsetý qaita jalǵasady», delingen habarlamada.
Aita keterligi, halyqty qujattandyrý salasyndaǵy ózge de memlekettik qyzmetter (jeke kýálikter, pasporttar berý) HQO-da shtattyq rejimde kórsetiledi.
«IIM aqparattyq-óndiristik ortalyǵy ýaqytsha qolaisyzdyqtar úshin keshirim suraidy», delingen habarlamada.
Eske sala ketsek, buǵan deiin «Azamattarǵa arnalǵan úkimet» korporatsiiasy Mamandandyrylǵan HQO-lardyń jumysy ýaqytsha toqtatylǵanyn habarlaǵan bolatyn.
