Islamda úshinshi mańyzdy qasietti oryn Ierýsalimdegi Ál-Aqsa meshitinde juma kúni tańǵy qaqtyǵys kezinde kem degende 42 palestinalyq zardap shekti, dep habarlaidy QazAqparat tilshisi The Guardian basylymyna silteme jasap.
Palestinalyq Qyzyl Jarty aidyń málimetinshe, zardap shekkenderdiń kópshiligi dene jaraqatyn alǵan jáne 22 adam aýrýhanaǵa jetkizilgen.
Kýágerlerdiń aitýynsha, politseiler kózden jas aǵyzatyn gaz, dybys shyǵaratyn granatalar men rezeńke oqtardy qoldanǵan.
Izrail politsiiasynyń habarlaýynsha, úsh adam qamaýǵa alynǵan.
«Biz qoǵamdyq qaýipsizdik úshin tártipsizdik pen qylmyskerlerge qarsy qatań áreket etýdi jalǵastyramyz», - dedi politsiia.
Óz kezeginde palestinalyq WAFA agenttigi Izrail qaýipsizdik kúshteriniń meshittegi Qyzyl jarty ai qoǵamynyń jedel járdem brigadalarynyń jumysyna kedergi keltirgenin habarlady.
«Tań namazynan keiin basqynshy [izraildik] kúshter Ál-Aqsa meshitinde qulshylyq etýshiler men sheginip jatqan adamdarǵa shabýyl jasap, ony Mýǵrabi qaqpasy jaǵynan basyp alyp, irgeles tóbelerge shyǵyp, snariadtardy atyp, nátijesinde ondaǵan adam jaraqat aldy», - dep qosty olar agenttikte.
Osy aida meshit pen ǵibadathana kesheninde kún saiyn derlik qaqtyǵystar boldy.
Politsiia sońǵy saǵattarda ǵibadathana ornynda tynyshtyq ornaǵanyn, musylman dinge senýshiler ǵibadathana aýmaǵyna aman-esen kirgenin atap ótti.
