Aviatsiialyq qaýipsizdik salasyndaǵy joǵary nátijeleri úshin ICAO Keńesi prezidenti Qazaqstandy marapattady, dep habarlaidy "Ult aqparat" Azamattyq aviatsiia komitetine silteme jasap.
«Búgin Monreal qalasynda (Kanada) Qazaqstan Halyqaralyq azamattyq aviatsiia uiymynyń (ICAO) mereitoilyq assambleiasynda 190-nan astam eldiń arasynda alǵash ret ICAO Keńesi prezidenti atynan aviatsiialyq qaýipsizdik jónindegi sertifikatty tapsyrýǵa usynyldy. Bul Sertifikat ICAO-nyń »No Country Left Behind« (birde-bir el nazardan tys qalmaidy) jahandyq bastamasyn qoldaý maqsatynda taǵaiyndaldy. Mundai marapat úshin elderdi irikteý kriteriileri ICAO-nyń arnaiy komissiiasy aiqyndaityn baǵalaýdyń aviatsiialyq qaýipsizdikti qamtamasyz etýdi damytý salasyndaǵy memleket qyzmetiniń sońǵy jyldardaǵy nátijelerine negizdelgen», delingen habarlamada.
Aviatsiialyq qaýipsizdikti qamtamasyz etýdi uiymdastyrýda qol jetkizilgen jetistikter men aitarlyqtai ilgerileýshilikti eskere otyryp, Qazaqstan Halyqaralyq azamattyq aviatsiia uiymynyń (ICAO) joǵary marapatymen baǵalandy. Osyndai marapatty alý úshin sońǵy jyldary QR IIDM Azamattyq aviatsiia komiteti aviatsiialyq qaýipsizdikti damytý salasynda júrgizip kele jatqan úlken jumys negiz bolǵanyn atap ótken jón.
Atap aitatyn bolsaq: - 2017 jyldyń qarasha aiynda ótken ICAO aýditiniń joǵary nátijeleri. Aýdit nátijeleri boiynsha Qazaqstan Respýblikasynyń deńgeii 83% qurady. 2009 jylǵy aýditpen salystyrǵanda progress 21% quraǵan - bul aviatsiialyq qaýipsizdiktiń álemdik ortasha kórsetkishten 11% joǵary (72%);
- zańnamany jaqsartý jáne aviatsiialyq qaýipsizdik salasynda ICAO standarttary men usynylatyn praktikasyn ýaqtyly engizý. «Aviatsiialyq qaýipsizdiktiń ulttyq baǵdarlamasy» Úkimet qaýlysymen ázirlendi jáne bekitildi, onda aviatsiialyq qaýipsizdik salasyndaǵy ICAO-nyń barlyq sońǵy standarttary engizilgen. 2018-2019 kezeńinde QR Úkimetiniń 3 qaýlysy jáne aviatsiialyq qaýipsizdik boiynsha ministrdiń 8 buiryǵy qaita óńdeldi jáne ózgertildi;
- shet memlekettermen tiimdi ózara is-qimyl jáne yntymaqtastyq. ICAO «No Country Left Behind» (birde-bir el nazardan tys qalmaidy) bastamasy sheńberinde azamattyq aviatsiia komiteti kórshi elderdiń aviatsiialyq bilikterimen tyǵyz yntymaqtastyq qarym-qatynas jasaýda.
2017-2019 jyldar kezeńinde Grýziia jáne Ózbekstan ókilderimen aviatsiialyq qaýipsizdik salasynda tájiribe almasý boiynsha is-sharalar sátti ótkizildi, Tájikstan ókilderine ICAO aýditine daiyndyq boiynsha konsýltatsiialyq kómek kórsetildi. Turaqty negizde Ortalyq Aziia jáne Kavkaz elderiniń ókilderi Azamattyq aviatsiia komitetiniń bastamasymen Almaty qalasynda ornalasqan aviatsiialyq qaýipsizdik boiynsha ICAO-nyń oqý ortalyǵynda bilim alý jáne biliktilikterin arttyrý.
- ICAO aimaqtyq biýrosy aiasynda aviatsiialyq qaýipsizdik boiynsha ótkiziletin halyqaralyq konferentsiialar men seminarlarǵa belsendi qatysý. Bul aviatsiialyq qaýipsizdikti jetildirý úshin eldiń aviatsiialyq bilik oryndary júrgizetin qyzmettiń az ǵana bóligi.
Aita keterligi, ICAO Assambleiasy táýelsiz organ jáne ICAO Keńesi úsh jylda keminde bir ret shaqyrylady. Assambleiaǵa ICAO-ǵa múshe barlyq memleketter (193 el) jáne birqatar halyqaralyq uiymdar qatysyp, aldaǵy jyldardaǵy azamattyq aviatsiia salasyndaǵy jahandyq saiasat anyqtaidy. Árbir memleket Assambleianyń qaraýyndaǵy máseleler boiynsha bir daýys berýge quqyly jáne osy sessiialardaǵy sheshimder qatysýshy elderdiń kópshilik daýysymen qabyldanady.
