Foto: Magda Wygralak / Shutterstock
Qazaqstannyń Sanitariialyq-epidemiologiialyq baqylaý komiteti HiPP balalar taǵamynan egeýquiryq ýy anyqtalǵany týraly BAQ-ta taraǵan aqparatqa qatysty resmi málimdeme jasady, dep habarlaidy Ult.kz.
Komitettiń habarlaýynsha, mundai buzýshylyq jóninde aqparat Eýropalyq odaqtyń jedel habarlaý júiesi (RASFF) nemese Dúniejúzilik densaýlyq saqtaý uiymynyń azyq-túlik qaýipsizdigi jónindegi halyqaralyq jelisi (INFOSAN) arqyly túspegen.
Sondai-aq atalǵan ónim Eýraziialyq ekonomikalyq odaqtyń memlekettik tirkeý kýálikteriniń biryńǵai tiziliminde joq. Osyǵan bailanysty ony Qazaqstanda jáne EAEO elderinde satýǵa ruqsat etilmeidi.
Qazirgi ýaqytta komitet ónimniń el aýmaǵynda satylýy múmkindigin anyqtaý úshin tiisti tekserý sharalaryn júrgizip jatyr. Aýmaqtyq bólimshelerdiń monitoringi nátijesinde bul ónim ázirge saýda oryndarynan tabylmaǵan.
Eger kúmándi ónim satylymda anyqtalsa, azamattardan jedel áreket etý úshin komitettiń aýmaqtyq bólimshelerine habarlaý suralady.
