Foto: Joǵarǵy aýditorlyq palata
Joǵary aýditorlyq palata ǵylymdy damytýǵa bólingen biýdjet qarajatynyń tiimdiligine júrgizilgen tekserý nátijesin jariialady, dep habarlaidy Ult.kz.
Aýdit qorytyndysy Palata otyrysynda talqylanyp, oǵan Ǵylym jáne joǵary bilim ministri Saiasat Nurbek pen basqa da múddeli organdardyń ókilderi qatysty.
Aýditorlardyń málimetinshe, qarjylandyrý kólemi 219 mlrd teńgege deiin óskenine qaramastan, ǵylymi zertteýlerge jumsalatyn shyǵyndar azaiyp otyr. Qoldanbaly ǵylymi ázirlemelerdi engizý baiaý júrip, olardy ekonomikanyń naqty sektorynyń suranysyna beiimdeý jetkiliksiz.
Sonymen qatar strategiialyq josparlaýda olqylyqtar bar ekeni, Ǵylym komiteti men memlekettik organdar arasynda ózara is-qimyldyń álsizdigi baiqaldy. Ulttyq ǵylymi keńesterdiń jumysyna qatysty da syn aityldy: birqatar múshelerdiń bir mezgilde birneshe jobany qarjylandyrýǵa qatysqany múddeler qaqtyǵysyn týyndatatyny atap ótildi.
Aýdit barysynda:
-
1,7 mlrd teńge qarjylyq buzýshylyq,
-
24,2 mlrd teńge tiimsiz josparlaý,
-
42,5 mlrd teńge tiimsiz paidalaný faktileri anyqtaldy.
Sondai-aq, ǵylymi konkýrstardy 500 kúnnen artyq keshiktirip jariialaý, jobalardy tiisti baqylaýdyń joqtyǵy, tehnoparkter men injiniringtik ortalyqtardy ashýda qarajatty maqsatsyz jumsaý faktileri tirkeldi.
Materialdardyń bir bóligi quqyq qorǵaý organdaryna joldanady. Úkimetke, Ǵylym jáne joǵary bilim ministrligine jáne basqa da mekemelerge júieli kemshilikterdi joiý jóninde usynystar berildi.
