Prodiýser Gúlzira Aidarbekova jańa baspanasyna qonystanǵanyn áleýmettik jelidegi paraqshasynda jariialady, dep habarlaidy ult.kz.
Ol bólisken videodan qonys toiǵa jasalǵan daiyndyqty, úidiń ishki bezendirilýin jáne jaqyndarynyń qýanyshty sátke birge jinalǵanyn kórýge bolady.
Jańa úige qonystanǵan prodiýserdi ónerdegi áriptesteri men oqyrmandary quttyqtap, shańyraǵyna baq-bereke tiledi.
Degenmen jariialanymnyń astynda Gúlzira Aidarbekovanyń otbasyndaǵy jaqynda bolǵan qaiǵyly jaǵdaiǵa qatysty pikirler de jazyldy. Buǵan deiin prodiýserdiń aǵasynyń qaitys bolǵany týraly aqparat taraǵan edi. Osyny eske salǵan keibir jeli qoldanýshylary qonys toidyń dál osy ýaqytta jariialanýyn orynsyz dep baǵalaǵan.
«Aǵasynyń qyrqy ótpei jatyp qonys toiyn jasap jatyr» degen mazmundaǵy pikirler de kezdesip, oqyrmandar prodiýserdiń qaraly jaǵdaidan keiingi qýanyshyn kópshilikke kórsetýine qatysty óz pikirin bildirdi.
«Keshe ǵana baýyryńnyń aýyr halin aityp, ýaiymdap, beinesin salyp ediń. Alla imanyn salamat etsin, jatqan jeri jaily bolsyn. Qonys toilaryń qutty bolsyn, árine. Biraq baýyryńnyń qyrqyn ótkizgen soń jariialasańshy. Qazir qazanyń qaiǵysy basylmai turǵan kez ǵoi», – dep jazdy oqyrmandardyń biri.
