Tanymal telejúrgizýshi Gúlmira Dairabaeva QR Qarjy ministriniń baspasóz hatshysy jáne vedomstvonyń bailanys departamentiniń direktory bolyp taǵaiyndaldy, dep habarlaidy QazAqparat.
Qazaqtildi telekórermenderge «Tańsholpan» baǵdarlamasy arqyly tanylǵan Gúlmira Dairabaeva QR Qarjy ministriniń baspasóz hatshysy jáne vedomstvonyń bailanys departamentiniń direktory qyzmetterin qatar atqarady.
Gúlmira Dairabaeva ál-Farabi atyndaǵy QazUÝ, Ѕorhia-Antipolis atyndaǵy sheteldikterge arnalǵan institýttyń, Frantsiianyń, USC Sol Price School of Public Policy, Ońtústik Kaliforniia ýniversitetiniń, AQSh-tyń, memlekettik saiasat jáne basqarý akademiiasynyń túlegi.
«Bolashaq» halyqaralyq stipendiiasynyń iegeri. Memlekettik saiasat jáne basqarý magistri.
«Qazaqstannyń eńbek sińirgen qairatkeri», «Aqparat salasynyń úzdigi» siiaqty marapat-ataqtary bar.
«Qazaqstan» tereradio kesheninde tańǵy «Tańsholpan» baǵdarlamasynyń júrgizýshisi bolyp, keiin tańǵy baǵdarlamalar departamentin basqardy.
Sondai-aq «Habar» agenttiginde, «NTK» jáne «ORT Qazaqstan» telearnalarynda jumys istedi.
CIFAP Halyqaralyq Uiymynyń janyndaǵy Frantsiianyń «FRANCE-3» memlekettik arnasynda halyqaralyq aýdiovizýaldy taǵylymdamadan ótti.
«Syrǵa» qazaq-frantsýz teleshoýyn tikelei efirde júrgizdi. Qazaq, orys, aǵylshyn, frantsýz tilderin jáne Sign language (sańyraýlar tilin) meńgergen.
