Baqtiiar Baiseiitov grek-rim kúresinen Qazaqstan ulttyq quramasynyń bas bapkeri bolyp taǵaiyndaldy, dep habarlaidy Olympic.kz.
Bas jattyqtyrýshy bolyp taǵaiyndalǵanǵa deiin Baqtiiar Baǵasharuly Qazaqstan quramasynyń aǵa bapkeri bolyp jumys istedi.
Baqtiiar Baiseiitov - 1998 jylǵy álem chempiony. 1995 jyly ol dúniejúzilik birinshiliktiń «kúmisin» jeńip alǵan. Respýblikalyq jáne halyqaralyq týrnirlerdegi kóptegen jeńisterinen bólek Baiseiitovtiń Aziia chempionatynan alǵan eki altyn, eki qola jáne bir kúmis medalderi bar. Sonymen birge, sportshy Aziia oiyndarynyń bir altynyn jeńip alǵan.
Esterińizge sala keteiik, Jakartadaǵy Aziada oiyndarynda qazaqstandyq «klassikter» kúmis jáne qola medaldarǵa ie boldy, al Qytaidaǵy Aziia chempionattarynan bizdiń balýandar bir kúmis jáne alty qola medalmen oraldy.
