Matchroom Boxing promoýterlik kompaniiasynyń jetekshisi Eddi Hirn orta IBF/IBO nusqasy boiynsha orta salmaqtaǵy álem chempiony Genadii Golovkin (41-1-1, 36 KO) men osy sanatta WBA Super belbeýiniń iegeri japon sportshysy Riota Mýratamen (16-2, 13 KO) bolatyn jekpe-jek týraly aitty, dep habarlaidy Sports.kz.
«Golovkin men Mýrata arasyndaǵy aiqas jyldyń sońyna qarai uiymdastyrylýy múmkin. Bul – ádette japondar 31 jeltoqsanda ótkizetin jekpe-jektiń túri. Biz Mýngiiamen de aiqas týraly kelissózder júrgizip jatyrmyz, bul da keremet kezdesý bolmaq. Biraq GGG Mýratamen aiqasty jeltoqsan aiynda qarastyrady dep oilaimyn. Árine, «Kanelo» da bul jekpe-jekti jeltoqsan aiynda nysanaǵa alady. Aldaǵy eki aptada ne bolatynyn kóreiik», — dep málimdedi Hirn IFL.tv-ge bergen suhbatynda.
35 jastaǵy Mýrata 2019 jyldyń 23 jeltoqsanynda Iokogamada kanadalyq Stiven Batlerdi (28-3-1, 24 KO) nokaýtqa jibergen sátten bastap sharshy alańǵa shyqqan joq. Golovkinge keletin bolsaq, ol óziniń sońǵy jekpe-jegin ótken jyldyń 18 jeltoqsanynda AQSh-ta ótkizdi, onda GGG mindetti qarsylasy poliak boksshysy Kamil Sheremetany (21-1, 5 KO) jeńgen bolatyn
