Orta salmaqta WBA (Super), IBO, WBC jáne IBF tujyrymdary boiynsha álem chempiony qazaqstandyq Gennadii Golovkinnyń (35-0, 32 KO) baspasóz ókilderine ashyq ótken jattyǵýynda qyzyqty oqiǵa boldy, - dep habarlaidy Vesti.kz.
FightHub TV jýrnalisi Markos Villegas qazaqstandyq boksshymen kúsh synasyp kórdi. Tilshi onyń bilek kúshiniń qanshalyqty myǵym ekenin suraǵanda, Golovkin oǵan oń qolyn sozyp, "Men saǵan kórseteiin" deidi.
Boksshy tilshiniń qolyn ustap, qysyp qalǵan, osy sátte tilshi aýyrsynyp, imenshektei túsedi. Osydan keiin Villegas taǵy bir qatelik jasaidy, ol Golovkinnen qai qolynyń kúshtirek ekenin suraǵan.
Bul sátte de qazaqstandyq boksshy onyń sol qolyn ustap, qysyp qalady. "Qudaiym-aý, aýyrady ǵoi. Beine bir 200 fýntty jigit qolymdy qysqandai boldy", - dep áserin bólisedi Villegas.
Eske salaiyq, Golovkin - Brýk jekpe-jegi 10 qyrkúiekte Londondaǵy O2 arenasynda ótedi. Golovkinnyń barlyq titýly tigiletin jekpe-jekti KazSport jáne "Qazaqstan" telearnalary taratady.
