Saýl Alvarestiń (51-1-2, 34 KO) promoýteri Oskar de la Hoiia boksshynyń aldaǵy josparlary jáne Gennadii Golovkinmen ótýi múmkin úshinshi jekpe-jek týraly aitty, dep habarlaidy "Ult aqparat" Sports.kz saityna silteme jasap.
«Sinko de maio» - Las-Vegasta ótetin bokstaǵy eń úlken ýik-end. Sondyqtan biz Golovkinmen kelissózderdi bastadyq. «Kanelo» - barlyǵy úshin ashyq. «Kanelo» eń myqty ataný úshin kimmen bolsa da kezdesýge daiyn. Kelissózder qaida alyp keletinin kóremiz. Boksshynyń bedeli sarapqa salynǵaly tur. Al«Kanelo» - óte tákappar boksshy. Sondyqtan barlyq aiqastaryna jaqsy daiyndyqpen keledi. Ol áli de jas, bar bolǵany 28-de, aldaǵy joly uzaq. Degenmen, ol eń myqtylarmen judyryqtasqysy keledi», - dedi De la Hoiia.
Eske salaiyq, buǵan deiin Oskar de la Hoiia Tvitterdegi akkaýntynda Golden Boy Promotions kompaniiasynyń prezidenti Erik Gomeske Golovkinmen kelissózderdi bastaý týraly tapsyrma bergenin jazǵan bolatyn.
Budan buryn úshinshi aiqas 4 mamyrda Las-Vegastaǵy (AQSh) T-Mobile Arena-da ótýi múmkin ekeni aityldy. Qazaqstandyq jáne meksikalyq boksshylardyń birinshi jáne ekinshi jekpe-jekteri sonda ótken edi.
Golovkin-Alvares yqtimal trilogiiasyna keibir býkmekerlik keńseler mynadai kotirovka usynýda: Alveristiń jeńisi - 1.47, Golovkinniń jeńisi - 2.7 jáne teń nátije - 25.
