18 jeltoqsan kúni (Qazaqstanda – 19 jeltoqsan tańynda) Gollivýdta (AQSh, Florida shtaty) qazaqstandyq boksshy Gennadii Golovkin (40-1-1, 35 KO) men Polsha boksshysy Kamil Sheremeta (21-0, 5 KO) arasynda IBF jáne IBO nusqalary boiynsha orta salmaqtaǵy álem chempionynyń titýly úshin jekpe-jek ótedi, dep habarlaidy Sports.kz saity.
DAZN strimingtik platformasynyń resmi saityndaǵy aqparat boiynsha, Golovkin — Sheremeta jekpe-jegi senbi kúni, Nur-Sultan qalasynyń ýaqytymen tańǵy saǵat 07:00-de bastalady. Alaida DAZN aiqastyń ótetin ýaqyty anderkard jekpe-jekteriniń uzaqtyǵyna bailanysty ózgerýi múmkin ekenin atap ótti.
Eske sala ketsek, bastapqyda bul aiqas aqpan aiynda ótýi tiis bolǵan, alaida túrli sebeptermen, sonyń ishinde koronavirýs pandemiiasyna bailanysty birneshe ret keiinge qaldyryldy.
