18 جەلتوقسان كٷنٸ (قازاقستاندا – 19 جەلتوقسان تاڭىندا) گولليۆۋدتا (اقش, فلوريدا شتاتى) قازاقستاندىق بوكسشى گەنناديي گولوۆكين (40-1-1, 35 كو) مەن پولشا بوكسشىسى كاميل شەرەمەتا (21-0, 5 كو) اراسىندا IBF جەنە IBO نۇسقالارى بويىنشا ورتا سالماقتاعى ەلەم چەمپيونىنىڭ تيتۋلى ٷشٸن جەكپە-جەك ٶتەدٸ, دەپ حابارلايدى Sports.kz سايتى.
DAZN ستريمينگتٸك پلاتفورماسىنىڭ رەسمي سايتىنداعى اقپارات بويىنشا, گولوۆكين — شەرەمەتا جەكپە-جەگٸ سەنبٸ كٷنٸ, نۇر-سۇلتان قالاسىنىڭ ۋاقىتىمەن تاڭعى ساعات 07:00-دە باستالادى. الايدا DAZN ايقاستىڭ ٶتەتٸن ۋاقىتى اندەركارد جەكپە-جەكتەرٸنٸڭ ۇزاقتىعىنا بايلانىستى ٶزگەرۋٸ مٷمكٸن ەكەنٸن اتاپ ٶتتٸ.
ەسكە سالا كەتسەك, باستاپقىدا بۇل ايقاس اقپان ايىندا ٶتۋٸ تيٸس بولعان, الايدا تٷرلٸ سەبەپتەرمەن, سونىڭ ٸشٸندە كوروناۆيرۋس پاندەميياسىنا بايلانىستى بٸرنەشە رەت كەيٸنگە قالدىرىلدى.
