Niý-Iorktegi «Medison Skver Garden» arenasynda Gennadii Golovkin kanadalyq Stiv Rollsty jeńdi, dep habarlaidy "Ult aqparat".
Birinshi raýndta eki boksshy da bir-birin zerttep baqty. Gennadii Golovkin birinshi nómirmen bokstasty. Al Stiv Rolls sheginip júrip, judyryq sermedi. Arasynda jyldam qimylmen Genany soqqynyń astyna alýǵa tyrysty. Keibir seriialy soqqylary dittegen jerine jetti. Golovkin djebpen uryp júrip, tórtinshi raýndta sol qolmen urǵan eki birdei xýkpen Rollsty nokaýtqa túsirdi.
Osylaisha, orta salmaqtaǵy WBA Super, WBC, IBF jáne IBO chempiony Gennadii Golovkin kásibi bokstaǵy 39-shy kezdesýin jeńispen aiaqtady.
Aita keteiik, buǵan deiin jeńilip kórmegen jerlesimiz Áli Ahmedov tájiribeli amerikalyq Markýs MakDenielden basym túsken bolatyn.
Boksshy úlken múmkindik jasaǵan Gennadii Golovkinge alǵys aitty.
Al Golovkin-Rolls aiqasynyń anderkartynda sharshy alańǵa shyqqan taǵy bir otandasymyz Baqtiiar Eiýbov amerikalyq Braian Sebaloǵa ese jiberdi.
