Motivedia Boxing Youtube-arnasynda qazaqstandyq boksshy Gennadii Golovkinge arnalǵan taǵy bir rolik shyqty, - dep habarlaidy kaz.tengrinews.kz Sports.kz portalyna silteme jasap.
Rolikti arnaiy Golovkin men Djeikobs arasynda ótetin jekpe-jegi qarsańynda túsirilgen. Migos-Bad & Boujee kompozitsiiasyna túsirilgen video "I won`t be beaten" ("Men taiaq jemeimin" - "Menia ne pobiýt") dep atalady.
Vesti.kz habarlaýynsha, NVO arnasy Golovkin men Djeikobs kezdesýine arnalǵan ańdatpa shyǵardy. "24/7. Golovkin - Djeikobs" dep atalatyn 30 minýttyq baǵdarlama boksshylardyń daiyndyǵyn, olardyń eń myqty jekpe-jekterin kórsetip otyrady. Osy efirde Golovkinniń jattyǵýyna Djeikobs pikir bildirgen. "Maǵan osy atmosfera unaidy. Zaldaǵylardyń barlyǵy maǵan kómektesedi, barlyǵyn aitady. Men Golovkinnen qoryqpaimyn. Men ómir boiy osy jekpe-jekke daiyndaldym", - dep jazady Twitter Raging Babe portaly Djeikobstyń sózin.
Eske salaiyq, qazaqstandyq boksshy Gennadii Golovkin men Deniel Djeikobs arasyndaǵy jekpe-jek 18 naýryzda Niý-Iorktiń Madison Square Garden arenasynda ótedi.
