©ringtv.com
Promoýter Eddi Hirn (Matchroom Boxing) ekinshi orta salmaqtaǵy absoliýt álem chempiony meksikalyq Saýl "Kanelo" Alvarestiń (57-2-2, 39 KO) aldaǵy josparlary týraly aitty, - dep habarlaidy Tengrinews.kz tilshisi Vesti.kz saityna silteme jasap.
Onyń sózinshe, "Kanelonyń" eki tańdaýy bar - qazaqstandyq Gennadii Golovkinmen (42-1-1, 37 KO) úshinshi jekpe-jek nemese ózi mamyrdyń basynda sensatsiialyq túrde jeńilip qalǵan reseilik Dmitrii Bivolmen (20-0, 11 KO) revansh.
"Kanelo aldynda eki naqty nusqa tur. Birinshisi - ekinshi orta salmaqtaǵy "absoliýt" ataǵy úshin Golovkinmen trilogiia, sodan keiin Dmitrii Bivolmen revansh. Sebebi "Kanelo" ne bolsa da Bivolmen rematch ótkizedi. Nemese revansh birinshi bolady.
Bivolmen jekpe-jek aldynda barlyǵy Golovkinmen úshinshi kezdesý "Kanelo" úshin jeńil bolady dep oilaǵan. "Kanelo" Dmitriidi jeńgende, onda trilogiiada sózsiz jeńiske úmitker bolar edi. Biraq qazir "Kaneloǵa" qatysty suraqtar týyndaǵany ras. GGG ony úshinshi jekpe-jekte jeńe ala ma? Qazir ol birshama básekege qabiletti.
Biz "Kanelo" men Eddi Reinosomen birge ári qaraiǵy áreketterdi talqylaǵymyz keledi. Jeke ózim kez kelgen nusqaǵa riza bolamyn. Golovkinmen jekpe-jek, múmkin, áli de bokstaǵy eń úlken oqiǵa sanalady. Al Bivolmen revansh - "Kanelo" úshin qaýipti jáne qiyn jekpe-jek. Oǵan sportshy karerasynda alǵash ret anderdog mártebesimen shyǵady", - dedi Hern DAZN Boxing Show-ǵa bergen suhbatynda.
