Saýl «Kanelo» Alvarestiń (53-1-2, 36 KO) bapkeri Edi Reinoso 38 jastaǵy Genadii Golovkinniń (40-1-1, 35 KO) ringte áli qansha ýaqyt judyryqtasatyny týraly boljam jasady, dep habarlaidy Sports.kz saity.
- Golovkin áli nokaýtqa túsken joq, ol myqty jáne tártipke baǵynatyn boksshy. Meniń oiymsha, ol shamamen eki jyl jaqsy deńgeide óner kórsetedi, - dedi Reinoso.
Eske sala keteiik, Golovkin «Kanelamen» eki ret judyryqtasqan bolatyn. 2017 jyly alǵashqy aiqasta teń oiyn bolǵan edi. Al bir jyl ótken soń bolǵan jekpe-jekte tóreshilerdiń sheshimimen jeńis mekikalyq boksshyǵa berilgen bolatyn.
Alvares pen onyń komandasy Gennadiimen ringte jyl sońynda kezdesetinine úmittenedi. Alaida buǵan deiin qazaqstandyq boksshynyń ózi málimdegendei, ol IBF tujyrymy boiynsha orta salmaqta álem chempionyna úmitker, poliak boksshysy Kamil Sheremetamen (21-0, 5 KO) judyryqtasýdy josparlaǵan.
