Qazaqstandyq kásipqoi boksshy, orta salmaqtaǵy IBF jáne IBO tujyrymdary boiynsha álem chempiony Gennadii Golovkin (40-1-1, 35 KO) otandastaryn Táýelsizdik kúnimen quttyqtady, dep habarlaidy "Ult aqparat".
Sportshy quttyqtaýdy Facebook-paraqshasynda jariialady. Videoda boksshynyń Qazaqstannyń Memlekettik Týyn jelbiretip, sharshy alańǵa shyqqan sátteri kórsetilgen.
Qazaqstan Respýblikasy óz táýelsizdigin jariialap, derbes memleket atanǵanyna búgin 29 jyl tolyp otyr. Qazaqstan táýelsizdik alǵaly beri halyq yntymaqtasyp, jalpyulttyq, ultaralyq birlikti nyǵaitýǵa, rýhani-mádeni jańǵyrýǵa bet burdy. Qysqa merzimde Táýelsiz Respýblikamyz sovet imperiiasynan mura bolyp qalǵan kóptegen ótkir de ózekti máselelerdiń sheshimin taýyp, saiasi, ekonomikalyq jáne áleýmettik-mádeni salalarǵa da reformalar júrgizildi. Búgin de Qazaqstan ekonomikasy damyǵan, birneshe halyqaralyq uiymdardyń múshesi, álemdik sahnada ózindik yqpaly bar memleketke ainaldy.
