Qazaqstandyq boksshy Gennadii Golovkin AQSh aýmaǵynda jas sportshylarǵa qoldaý kórsetetin GGG Promotion kompaniiasyn ashty, dep jazady Sputnik.
Qazir kompaniia Áli Ahmedov, Rýslan Mádiev sekildi boksshylarǵa kómektesip jatyr.
Golovkinniń aitýynsha, bul talantty jigitterdiń úlken potentsialy bar.
GGG jýrnalisterdiń "sportshylardyń jattyǵýy nege AQSh-ta ótedi?" degen suraǵyna jaýap berdi.
"Qatty tise de aitaiyn, Qazaqstanda kásipqoi boks joq. AQSh-taǵydai jaǵdai jasalmaǵan. Biz tańdap alǵan jigitter menimen birge jattyǵady", — dep málimdedi Gennadii Golovkin.
Boksshy sportshylardy irikteý kezinde eki mańyzdy kriteriige basymdyq beriletinin aitty: olar tájiribeli jáne eńbeksúigish bolýy tiis.
"Úlken sport qaýip-qaterge toly, men óz shákirtterimniń densaýlyǵyna jaýaptymyn, sondyqtan sportqa kelgenine endi bir jyl bolǵandar meniń komandama qosyla almaidy", — dedi Golovkin.
Eske sala keteiik, qazaqstandyq boksshy Las-Vegasta Saýl "Kanelo" Alvarespen ekinshi jekpe-jekte jeńilis tapty. Keiin Gennadii Golovkinniń Qazaqstanǵa kelgeni belgili boldy. Munda ol Qaraǵandydaǵy sport keshenine bardy, sondai-aq Astanada "Barys – TsSKA" matchyna qatysty.
