Orta salmaqta WBA (Super), IBO, WBC jáne IBF tujyrymdary boiynsha álem chempiony qazaqstandyq boksshy Gennadii Golovkin (37-0-1, 33 KO) "Jyl boksshysy" atalymynda "Boks ańyzy" syilyǵyn aldy, - dep habarlaidy Vesti.kz.
Sochidegi halyqaralyq boks forýmynda saltanatty tabystaý rásimi ótti. Qazaqstandyq boksshyǵa syilyqty WBC prezidenti Maýrisio Sýleiman tabystady.
"Jyl adamy" bolyp Franko Falchinelli tanyldy, ol buryndary Halyqaralyq áýesqoi boks assotsiatsiiasynyń (AIBA) tóraǵa qyzmetin oryndaýshy bolyp qyzmet etken. "Jyl oqiǵasy" - Resei boks federatsiiasy 22 shildede Reseilik boks kúni sharasyn Máskeýdegi Qyzyl alańda ótkizýi.
"Jyl jekpe-jegi - qazaqstandyq Gennadii Golovkin men Saýl Alvares arasyndaǵy kezdesý. Tehnika turǵysynan eń myqty boksshy - venesýelalyq Horhe Linares. Jyl jobasy - Búkilálemdik boks sýperseriiasy (WBSS), "Ańyz" nominatsiiasynda - KSRO quramynda óner kórsetken olimpiada Oiyndarynyń eki dúrkin chempiony Boris Lagýtin.
