Qazaqstandyq Gennadii Golovkin jáne meksikalyq Saýl "Kanelo" Alvares ekinshi jekpe-jek ótkizý týraly kelisimge qol qoidy, - dep habarlaidy Vesti.kz saitynyń qazaq bólimi.
Bul týraly boksshylardyń ózderi, olardyń promoýterleri men jekpe-jekti aqyly transliatsiialar júiesi (PPV) arqyly kórsetetin HBO arnasy málimdedi.
Jekpe-jek 5 mamyrda ótedi. Bul kúni Meksikada Sinko de Maio - eldegi ulttyq merekelerdiń birin toilaidy, osy arqyly PPV-transliatsiia sanyn arttyrý kózdelgen.
Aldaǵy jekpe-jekte qazaqstandyq barlyq ataǵyn, al Alvares The Ring jýrnalynyń ataǵy men orta salmaqtaǵy chempiondyǵyn tigedi.
"Ras, bul joly bizge tóreshiler qajet bolmaidy", - deidi Golovkin óziniń Twitter jelisindegi paraqshasynda.
"Ýaqyt jetti. Daiynbyz! 5 mamyrda kezdesemiz!" - dep jazypty Alvares óz kezeginde.
"Bul joly tóreshiler sheshpeidi! #CaneloGGG2, 5 mamyr, bul resmi málimdeme!" - delingen Golden Boy kompaniiasynyń sholýynda.
"12 raýnd jetpegen edi. 2018 jyldyń 5 mamyry. #CaneloGGG2", - delingen HBO arnasynyń sholýynda.
Gennadii Golovkin men Saýl Alvares arasyndaǵy alǵashqy kezdesý 16 qyrkúiekte Las-Vegasta ótken bolatyn. Tóreshiler sheshimi boiynsha boksshylar teń túsken-di.
Qos boksshy arasyndaǵy ekinshi jekpe-jek qaida ótetini ázirge belgisiz. Las-Vegas, Niý-Iork jáne Dallas qalalarynyń birinde ótýi múmkin.
