Gollivýd kinoindýstriiasy jańa antirekord ornatty, - dep habarlaidy Tengrinews.kz FilmLA uiymynyń resmi saityna silteme jasap.
FilmLA kommertsiialyq emes uiymy COVID-19 pandemiiasynyń Gollivýd kino ekonomikasyna áseri týraly esep jariialady.
Kórsetkishterge sáikes, 2020 jyly aimaqtaǵy túsirilim kúnderiniń jalpy sany 48 paiyzǵa, iaǵni 18 myńǵa azaiǵan. Bul 2019 jylmen salystyrǵanda eki ese az. Sarapshylar bul sońǵy 25 jyldaǵy eń tómen kórsetkish ekenin atap ótti.
"COVID-19-dyń jergilikti kino óndirisi men jumys ornyna áseri orasan zor. Óndiris toqtap, sala jumysy baiaýlaǵandyqtan, jalpy jyldyq óndiris buryn-sońdy bolmaǵan tómen deńgeige jetti", - dedi FilmLA basshysy Pol Odli.
Sondai-aq, esepte koronavirýs pandemiiasyna bailanysty Los-Andjelestegi kino óndirisi 87 kúnge tolyǵymen toqtaǵany kórsetilgen. Naýryzdyń ortasynan 2020 jyldyń aiaǵyna deiin shamamen 198 turaqty joba men 57 pilottyq jobany jabýǵa májbúr boldy. Kóptegen joba kesteleri 2020 jyldyń kúzine deiin keiinge qaldy jáne 2021 jylǵa aýysty.
Gollivýdtyq kinostýdiialar vaktsinatsiia baǵdarlamasynyń júzege asýy filmder men serialdardy túsirýdi qaita bastaýǵa múmkindik beredi degen úmitte.
Aita keteiik, buǵan deiin qazaqstandyq kinoteatrlar pandemiiaǵa bailanysty 20 milliard teńge joǵaltty dep habarlanǵan bolatyn.
