Memleket basshysy Qasym-Jomart Toqaev Esep komitetiniń tóraǵasy Natalia Godýnovany qabyldady, dep habarlaidy Aqorda.
Prezident Qasym-Jomart Toqaevqa pandemiiamen kúreske bólingen 521 milliard teńge kólemindegi qarajattyń jumsalýyna júrgizilgen tekserýdiń aldyn ala nátijeleri usynyldy.
Atap aitqanda, atalǵan aýdit aiasynda modýldi aýrýhanalardyń qurylysyna, juqpaly aýrýlar statsionarlaryn materialdyq-tehnikalyq turǵydan jabdyqtaýǵa bólingen qarjy, sondai-aq jeke qorǵanys quraldaryn satyp alý shyǵyndary tekserildi.
Sonymen qatar Natalia Godýnova Prezidentke Tokioda ótken 2020 jylǵy Olimpiada oiyndarynyń daiyndyǵyna bólingen qarajatty paidalaný tiimdiligine júrgizilgen memlekettik aýdittiń nátijeleri týraly baiandady.
Sport komitetinde júrgizilgen tekseris barysynda dene shynyqtyrý jáne sportty damytý salasyndaǵy is-sharalarǵa, onyń ishinde 2020 jylǵy Olimpiadaǵa daiyndyqqa jáne oǵan qatysý úshin jumsalǵan 125 milliard teńge kólemindegi qarjyǵa aýdit júrgizilgen.
Kezdesý qorytyndysy boiynsha Memleket basshysy tiisti tapsyrma berdi.
