Elordada «Qaýipsiz jol» respýblikalyq jedel aldyn alý sharasynyń aiasynda eki kún ishinde 500-ge jýyq jol erejesin buzý faktisi anyqtaldy, dep habarlaidy "Ult aqparat".
Atalǵan zańsyzdyqqa jol bergen kólik júrgizýshilerdiń ishinde temir tulparyna GGG áripti nómir japsyryp alǵan Mercedes-Benz iesi de bar.
«Politsiia qyzmetkerleri tún ortasynda atalmysh kólikti toqtatyp, qujattaryn tekserý kezinde avtomobildegi tirkeý belgileri esepten shyǵarylǵany anyqtaldy. Al GGG áripti nómirdi ol basqa adamnan satyp alǵany belgili boldy.
26 jastaǵy júrgizýshiniń úsitnen standarttyq talaptaryna sáikes kelmeitin nómirlik belgileri bar avtokólik júrgizgeni úshin Ákimshilik quqyq buzý týraly kodekstiń 590-baby 4-bóligi boiynsha ákimshilik óndiris qozǵaldy. Material protsessýaldyq sheshim qabyldaý úshin Nur-Sultan qalasynyń mamandandyrylǵan ákimshilik sotyna jiberildi. Avtokólik kommýnaldyq turaqqa qoiyldy», - dep jazady qalalyq politsiia departamentiniń baspasóz qyzmeti.
Elordada «Qaýipsiz jol» respýblikalyq jedel aldyn alý sharasy áli ótip jatyr. Eki kún ishinde politsiia qyzmetkerleri 500-ge jýyq jol erejesin buzý oqiǵasyn tirkegen. Onyń ishinde 79 jaiaý júrginshi bar. Eki kúnde 3 jol-kólik oqiǵasy tirkelip, 3 adam zardap shekken. Ereje buzǵany úshin 8 nómirlik belgi alynyp, 7 avtokólik kommýnaldyq turaqqa qoiyldy.
