Sotsial-demokrat Olaf Sholts Germaniianyń jańa kantsleri bolyp taǵaiyndaldy. Taǵaiyndaý týraly resmi madaqtamany oǵan el prezidenti Frank-Falter Shtainmaier tabystady, dep habarlaidy ulysmedia.kz.
lenta.ru-dyń málimetinshe, saltanatty is-sharasy prezidenttik Belviý saraiynda ótti.
Sholts 395 depýtattyń daýysyna ie boldy, 303 depýtat qarsy shyqty. Buǵan deiin el úkimetin 16 jyl boiy Angela Merkel basqarǵan edi.
Sondai-aq, Prezident Qasym-Jomart Toqaev Germaniianyń jańadan sailanǵan Federaldyq Kantsleri Olaf Sholtske jedelhat joldady.
Qazaqstan Prezidenti Qasym-Jomart Toqaev barsha qazaqstandyqtyń jáne jeke óziniń atynan Olaf Sholtsti Germaniia Federativtik Respýblikasynyń Federaldyq Kantsleri qyzmetine kirisýimen shyn júrekten quttyqtady.
«Bul tarihi oqiǵa – halqyńyzdyń Sizge jáne Ózińiz basqaryp otyrǵan koalitsiiaǵa elińizdiń saiasi-ekonomikalyq órkendeýin jalǵastyrýǵa, sondai-aq onyń halyqaralyq deńgeidegi ulttyq múddelerin ilgeriletýge baǵyttalǵan mańyzdy josparlaryńyzǵa artqan seniminiń aiqyn dáleli. Osy tusta Sizdiń qajyrly eńbegińiz Otanyńyzdy búgingiden de biik belester men jańa tabystarǵa jetelei berýine tilektestigimdi bildiremin», - delingen quttyqtaý hatta.
