Eýropanyń birqatar elinde koronavirýstyń órshýine bailanysty karantin shekteýleri qatańdap jatyr, dep habarlaidy QazAqparat Euronews agenttigine silteme jasap.
Qańtar aiynyń ortasynan bastap Frantsiiada basqa elderdegidei «vaktsina qujaty» iske qosylyp, qolynda PTR teris nátijesi bar adamdar kópshilik sharalar, meiramhanalar jáne uqsas jerlerge bara almaýy múmkin.
Biraq tiisti zańdy áli parlament bekitýi tiis. Parijde qaita vaktsina alýdyń tórtinshi dozasy engiziletinini joqqa shyǵarylmady.
Alaida respýblika biligi lokdaýn engizbeýdi ýáde tip otyr.
Berlinde jańa shekteýler seisenbiden bastap kúshine enedi. Endi elde vaktsina alǵan on adamnan, ekpe salynbaǵan ekiden kóp adam kezdese almaidy, túngi klýbtar jabylýda, al sport sharalary kórermensiz ótedi.
Avstriiada shekteýler dúisenbiden bastap kúshine engen. Endi eldegi meiramhanalar keshki saǵat 10-nan jabylýǵa mindetti.
Angliiada, kerisinshe, Jańa jylǵa qarai shekteýler engizbeý jóninde sheshim qabyldandy.
Britandyq premer Boris Djonson túngi klýbtar, bi oryndary men meiramhanalardyń ózderine yńǵaily ýaqytta jumys istei alatynyn qaýly etti.
Alaida Qurama koroldiktiń qalǵan basqa bólikteri – Shotlandiia, Ýels jáne Soltústik Irlandiia kópshilik jinalatyn uiymdar jumysy men jeke kezdesýlerge qatysty qatań shekteýler engizgen.
Lissabon áýejaiynda ushar aldynda PTR testin tapsyryp úlgermegen myńdaǵan saiahattaýshy qalyp qoiǵan: áýejai zerthanasynda test ótkizýge arnalǵan materialdar taýsylyp qaldy.
Krismas aldyndaǵy kúnderi zerthana úzilissiz jumys istedi. Jolaýshylarǵa birneshe saǵat tosyp turý, ne biletterin aýystyrýǵa týra kelgen.
