Zaksenhaýzen kontslageriniń 100 jastaǵy burynǵy kúzetshisi Noirýppindegi jer soty aldynda jaýap berdi, dep habarlaidy QazAqparat Deutsche Welle-ge silteme jasap.
Sottalýshy aiyptaý oqylǵannan keiin sóz alýdan bas tartty. Fashistik Germaniianyń burynǵy áskeri qyzmetkeri natsistik lagerdiń 3518 tutqynynyń ólimine qatysy bar dep aiyptalyp otyr. Sot protsesine kýágerler – natsistik lagerdiń burynǵy tutqyndary qatysýda.
DW naqtylaýynsha, kontslagerde qyzmet etkende keńestik áskeri tutqyndardyń atýǵa qatysqan. Tergeý málimetteri boiynsha, ol qamaýǵa alynǵandardy ýlandyrǵysh gaz kómegimen óltirýde kómek kórsetken. Budan basqa, kontslager tutqyndary «adam tózgisiz jaǵdaidardy qurý saldarynan» qaitys bolǵan, aiyptalýshynyń da osyǵan qatysy barlyǵy anyqtaldy.
Qazirgi kezde nemis soty Ekinshi dúniejúzilik soǵys kezinde natsister jasaǵan qylmysqa qatysy bar degen kúdikke ilingen 17 adamnyń isimen ainalysyp otyr. Kúdiktilerdiń barlyǵynyń jasy 95-ten kem emes.
«Berlinnen soltústikke qarai ornalasqan Oranienbýrgtegi Zaksenhaýzen tutqyndardy bir jerge jinap ustaityn lager natsional-sotsializm kezinde erekshe jaǵdaiǵa ie bolǵan: 1936 jyly qurylysy aiaqtalǵan ol basqa lagerler úshin úlgi bolyp, keiinnen natsistik lagerler júiesiniń ákimshilik ortalyǵyna, sondai-aq SS-tiń oqý lagerine ainaldy. Jalpy alǵanda, munda 200 myńnan astam adam tutqynda bolǵan.
