Germaniia halqynyń jartysynan kóbi koronavirýsqa qarsy vaktsinanyń eki komponentin de saldyryp úlgergen. Bul jaiynda sársenbi kúni GFR densaýlyq saqtaý ministri Iens Shpan Twitter paraqshasynda jazdy, dep habarlaidy TASS agenttigi.
«Jańa kórsetkish: árbir ekinshi nemis (eresek halyqtyń 50,2 paiyzy nemese 41,8 mln adam) koronavirýstyń eki komponentin de saldyryp, koronavirýstan tolyq qorǵaldy. Azamattardyń 61,1 paiyzy (50,85 mln adam) ekpeniń kem degende bir komponentin ektirgen» dep jazdy eldiń densaýlyq saqtaý ministri.
Onyń aitýynsha, neǵurlym kóp adam vaktsina alsa, kúz ben qys soǵurlym qaýipsiz bolady.
Elde vaktsinatsiia ótken jyldyń jeltoqsanynda bastalǵan bolatyn.
Eń aldymen qarttar, dárigerler, medqyzmetkerler, mańyzdy áleýmettik sala jumyskerleri koronavirýs ekpesin saldyrdy.
Germaniiada amerikalyq Pfizer kompaniiasy nemistiń BioNTech áriptesimen birge jasap shyǵarǵan vaktsina, sonymen qatar amerikalyq Moderna, britan-shved AstraZeneca jáne taǵy sol Johnson & Johnson kompaniialary óndirgen ekpe qoldanylyp otyr.
