Qazaqstandyq boksshy Gennadii Golovkinniń úshinshi sábii dúniege keldi, dep habarlaidy "Ult aqparat" Qazaqstannyń boks federatsiiasyna silteme jasap.
«Qazaqstannyń boks federatsiiasy Gennadii Golovkindi uldy bolýymen quttyqtaidy! Gennadii men onyń otbasyna zor densaýlyq pen amandyq tileimiz!», - delingen federatsiia saitynda.
Aita keteiik, Golovkinder otbasy ul (Vadim, 2009 jyly týǵan) men qyz (2017 jyly týǵan) tárbielep otyr. Boksshynyń uly Los-Andjeleste hokkeimen ainalysady. Golovkinniń bapkeri Abel Sanches Vadimniń qabileti zor, bolashaqta myqty hokkeishige ainalýy ǵajap emes ekenin aitady. Ol ákesimen birge birneshe ret ulttyq hokkei ligasynyń oiyndaryn da tamashalaǵan.
Qazirgi tańda Gennadii ýaqytyn otbasymen birge ótkizip, jekpe-jekter jóninde kelissóz júrgizip jatyr.
