Orta salmaqta jeńilip kórmegen kásipqoi boksshy Gennadii Golovkinge elge sińirgen eńbegi úshin «Qaraǵandy oblysynyń qurmetti azamaty» ataǵy berildi, dep habarlaidy "Ult aqparat".
Sportshy kýálik pen medaldi jáne lentany alý úshin arnaiy kelgen.
«Gennadiidiń ár kelgen sapary - biz úshin úlken oqiǵa», - dedi Qaraǵandy oblysynyń ákimi Erlan Qoshanov. Gennadii Golovkin berilgen ataq úshin alǵys aitty.
«Maǵan kórsetken qurmetterińiz úshin alǵys aitamyn. Óte qýanyshtymyn. Barlyq ata-analarǵa aitarym - balalaryńyzdy sport sektsiialaryna alyp kelińizder. Barlyǵyńyz sportpen ainalysyp, densaýlyqtaryńyz myqty bolsyn», - dedi G.Golovkin Qaraǵandy oblysynyń qurmetti azamaty kýáligi tabys etilgennen keiin.
Golovkindi Qaraǵandy oblystyq máslihatynyń XIII sessiiasynda depýtattar biraýyzdan qoldaǵan bolatyn.
Depýtattar «Oblystyń Qurmetti azamaty» ataǵyn berý azamattyń elge sińirgen kópjyldyq eńbegi men erekshe qabiletin, belsendiligi men jaýapkershiligin kópshiliktiń moiyndaǵandyǵyn bildiretinin atap ótken edi.
Atalmysh ataq sonymen qatar azamattardyń qoǵamdaǵy belsendiligin arttyryp, oblystyń ekonomikalyq jáne áleýmettik damýyna qosqan úlesin ulyqtap, óskeleń urpaqty qazaqstandyq patriotizm úlgisinde tárbieleýdi kózdeidi.
Gennadii Golovkin eshqashan jeńilip kórmegen kásibi boksshy, ol orta salmaqta óner kórsetedi. 2003 jyly ol áýesqoi boksshylar arasynda álem chempiony. 38 kezdesý ótkizip, onyń 37-in jeńispen aiaqtady. Tek bireýinde ǵana qarsylasymen teń tústi. «WBC World Champion» (orta salmaq), WBA Super World Champion (orta salmaq), IBF World Champion «orta salmaq), IBO World Champion (orta salmaq) ataqtarynyń iegeri.
