Qazaqstandaǵy Polshanyń jańa elshisi polshalyq-litvalyq tatardan shyqqan musylman Selim Hazbievich bolýy múmkin, dep habarlady QazAqparat tilshisi.
Belgili ǵalym, qoǵam qairatkeri Hazbievichtiń kandidatýrasyn polshalyq Seim qaraýyna PR Syrtqy ister ministri Vitold Vashikovskii engizdi, dep atap ótti Gazeta.pl basylymy.
Osy qujatty saiasatker Robert Tyshkevich Týitterde jariialady.
Jańalyqty Feisbýkte qazaqstandyq paidalanýshylar da talqylap jatyr.
«Rastalǵan jaǵdaida, Selim Hazbievich myrza Polsha Respýblikasynyń Astanadaǵy Tótenshe jáne Ókiletti Elshisi bolady. Ol jazýshy, pýblitsist, ǵylym doktory, professor. Onyń doktorlyq dissertatsiiasynyń taqyryby: - «20-shy ǵasyrdaǵy polsha musylmandarynyń ideologiiasy», - dep jazdy «Venz» almatylyq Polsha mádeniet ortalyǵynyń basshysy Oleg Chervinskii wiadomosci.gazeta.pl-ge silteme jasap.
Internet-portaldyń habarlaýynsha, 2003 jylǵa deiin Selim Gdanskide musylman qoǵamynyń imamy boldy.
Eske salsaq, 2015 jylǵy qazanda QR-daǵy PR Tótenshe jáne Ókiletti Elshisi bolyp osy laýazymda bir jyldan artyn jumys istegen Machei Lang taǵaiyndalǵan.
