Foto: QR SIM baspasóz qyzmeti
Syrtqy ister ministriniń birinshi orynbasary Qairat Omarov Gaza sektorynda qalǵan qazaqstandyqtar týraly aitty, - dep habarlaidy Sputnik Qazaqstan.
Buǵan deiin júzge jýyq qazaqstandyq Gaza sektorynan Mysyrǵa shyǵarylyp, arnaiy ushaqpen Almatyǵa jetkizilgen bolatyn.
“Gaza sektorynda 17 qazaqstandyq qalyp otyr. Olarda bizdiń elimizdiń qujattary bar. Basqalary – otbasy músheleri”, - dedi Omarov jýrnalisterge bergen suhbatynda.
Al Izrailde qazaqstandyqtardy erikti túrde tirkeidi, eshkimdi mindettep jatqan joq.
“Ol elden ketemin degender ketti, al qalǵandary túrli sebepterge bailanysty ketýge niet bildirip jatqan joq. Bizdiń málimetimizge sáikec, olarǵa qaýip tónip turǵan joq”, - deidi ministrdiń orynbasary.
