Foto: QR SIM
Prezident Qasym-Jomart Toqaevtyń tapsyrmasyna sáikes Syrtqy ister ministrligi Gaza sektoryndaǵy qazaqstandyqtardy evakýatsiialaýdy júzege asyrdy, dep habarlaidy "Ult aqparat" vedomstvonyń baspasóz qyzmetine silteme jasap.
"Búgin arnaiy evakýatsiialyq bortpen 99 jolaýshy – Qazaqstan azamattary men olardyń otbasy músheleri Almaty qalasyna aman-esen ushyp keldi.
Áýejaidaǵy barlyq mindetti rásimderden ótkennen keiin evakýatsiialanǵan azamattarǵa ýaqytsha baspana berilip, olarǵa qajetti quqyqtyq, meditsinalyq jáne ózge de kómek kórsetilip jatyr.
Sátti iske asyrylǵan evakýatsiialaý - Qazaqstannyń Izraildegi, Iordaniiadaǵy jáne Mysyrdaǵy elshilikteriniń osy elderdiń ýákiletti organdarymen jáne halyqaralyq uiymdarmen birlesken úilesimdi jumysynyń nátijesi" - delingen habarlamada.
Vedomstvo málimetinshe, Taiaý Shyǵys óńiriniń syrtqy saiasi vedomstvolarynyń basshylyǵymen kelissózder qorytyndysy boiynsha QR SIM azamattarymyzdyń Gaza sektorynan qaýipsiz jáne esh kedergisiz shyǵýy týraly ýaǵdalastyqqa qol jetkizdi.
Qazaqstandyq diplomattar qaqtyǵys aimaǵynda qalyp qoiǵan Qazaqstan azamattaryna kómek kórsetý jáne evakýatsiialyq is-sharalardy uiymdastyrý jónindegi jumysty jalǵastyrady.
