Suiytylǵan munai gazyn satatyn kásipkerler buǵan deiin de baǵany óz erikterimen túsirgen bolatyn. QR Básekelestikti qorǵaý jáne damytý agenttiginiń Otyn-energetika ónerkásibi departamenti basqarmasynyń basshysy Qýat Asambekov ortalyq kommýnikatsiialar qyzmetinde ótken brifingide osyndai málimet aitty, dep habarlaidy QazAqparat.
«Jyldyń sońynda kóterme saýdada baiqaǵanymyz, soltústik, batys jáne ońtústik Qazaqstan siiaqty makroóńirlerde baǵanyń tómendeýi baiqaldy. Sondyqtan bir juma buryn bizge tiisti óńirlik aýmaqtyq departamentke tapsyrma berdik. Sol boiynsha búkil Qazaqstandaǵy gaz ótkizetin kásipkerlerdi jinap, konsýltatsiia ótkizip, jyldyń sońyna kóterme saýdada baǵanyń túsýine bailanysty naryq sýbektileri gaz baǵasyn óz erkimen tómendetti. Shamamen 5 teńgeden 15 teńgege deiin... Agenttik bul baǵyttaǵy jumysyn jalǵastyrady», - dedi agenttik ókili.
