Energetika ministri Maǵzum Myrzaǵaliev suiytylǵan munai gazynyń baǵasyn 50 teńgege deiin túsirý talabyn oryndaý qanshalyqty múmkin ekenin aitty, dep habarlaidy QazAqparat agenttigi.
Úkimet ereýilge shyqqandardyń talabyn oryndap, gazdyń baǵasyn
«Kóterme baǵasy bar, tasymal jáne saqtaý shyǵyndary bar. Osynyń bárin qarap janarmai stansalaryndaǵy suiytylǵan gazdyń ózindik qunyn eseptep shyǵaramyz. Qazirgi tańda onyń mólsheri 80 teńgeniń kóleminde qalyptasyp otyr. Sonda janarmai quiý stansalaryna qalatyn marja 40 teńgege deiin, iaǵni, 50 paiyzǵa jetken bolatyn. Túnde vitse-ministr Aqtaý qalasyna ushyp bardy. Ol sol jaqta janarmai stansalarynyń ielerin kezdesti. Muny biznestiń áleýmettik jaýapkershilig dep aityp otyrmyz. Iaǵni, ahýal basqa sheshimdi qajet etip otyrsa, olarǵa da óz tábetterin shekteý qajet. Meniń qazir sózýarlyqqa salynǵym kelip otyrǵan joq. Biraq jaǵdaidy osylai kórip otyrmyn», -dedi Maǵzum Myrzaǵaliev.
Sondai-aq vedomstvo basshysy dál qazir gaz baǵasyn 50 teńgege deiin túsirýdiń múmkindigin kórip turmaǵanyn aitty.
«Bul suraqqa birneshe ret jaýap berdim. Óndiristiń ózindik quny bar. Bar bolǵany osy ǵana. Jańaózendegi gazdy qaita óńdeý zaýytynda da dál sondai qala turǵyndary jumys istep júr. Túsinip otyrsyz ba? Gaz óndirisiniń ózindik quny shamamen 100 myń ekenin, bul halyq qalap otyrǵan 50-60 teńgeden kóp ekenin eskersek, aldymyzda máseleni sheshýdiń eki joly ǵana bar. Ne únemi tapshylyqta kún keship, bir kúni zaýyttarymyz toqtaidy, ne osyndai asa jaǵymdy emes sheshim qabyldanady. Qazirgi ahýaldy obektivti zerdelesek, osylai bolyp otyr. Naryq zańyn eshkim alyp tastaǵan joq. Búgingi tańda biz halyqtyń ol talabyn oryndaýdyń múmkindigin kórip turǵan joqpyz», - dedi ministr.
