Súleimen Demirel ýniversitetiniń prezidenti Meiirbek Májitov eńbek ujymyna oqý ornynyń jańa rektory Qýanysh Erǵalievti tanystyrdy, dep habarlaidy "Ult aqparat" ýniversitettiń baspasóz qyzmetine silteme jasap.
Qýanysh Asylhanuly Erǵaliev 2006 jyly Almatydaǵy S. Asfendiiarov atyndaǵy Qazaq ulttyq meditsina ýniversitetin támamdaǵan. 2009 jyly «Bolashaq» stipendiiasy arqyly AQSh-taǵy Týlein ýniversitetinde Qoǵamdyq densaýlyq saqtaý magistri dárejesin alǵan.
Sonymen birge, Q. Erǵaliev Garvardtyń T. H. Chan atyndaǵy Qoǵamdyq densaýlyq saqtaý mektebinde bilim alǵan jáne qoǵamdyq densaýlyq saqtaý doktory dárejesin qorǵaǵan.
«Qazirgi ýaqytta ol Harvard Chan Qualitative Research Methods stýdenttik klýbynyń teń quryltaishysy jáne prezidenti ári Bostondaǵy qazaq diasporasynyń mádeni ortasyn qalyptastyrýǵa arnalǵan «Miras» qazaq mádeni ortalyǵynyń teń quryltaishysy men prezidenti», - delingen ýniversitet habarlamasynda.
Jańa rektor ár jyldary QR Densaýlyq saqtaý ministrliginde jáne Nazarbaev Ýniversitetinde basshylyq laýazymdarda qyzmet etken. Densaýlyq saqtaý salasyndaǵy birneshe ǵylymi eńbekterdiń avtory.
